Wannabe Dentist

Pangarap mo bang maging Dentista?

Ano nga ba ang pwede kong i-payo sa mga balak mag-aral ng dentista bukod sa mag-isip ng isang milyong beses? Hehe. Para sa inyong kaalaman, hindi lang utak kundi sangkatutak na tiyaga at pasensya ang kailangan para matapos mo ang kursong Dentistry.

Bukod sa pag-susunog ng kilay e kailangan mo ng tiyaga para mag-practice magprepare ng pasta, linisin ang kasulok-sulokan ng ngipin at maghintay sa mga pasyente mong madalas mang-Indyan. Kung ako ang tatanungin, mas madali pa ang mag-Medicine kesa mag-Dentistry. Alam ko na magkakaroon ng violent reactions mula sa mga doktor ng medisina pero bago niyo ako kuyugin e i-try nyo muna maging dental student muna. Sa pag-aaral ng Dentistry, hindi lang sa’yo nakasalalay ang pagpasa o pagbagsak mo kundi sa mga pasyente mo lalo na sa Clinical years ng kurso na ito.

Bukod pa dun, kahit matalino ka e hindi sure shot na papasa ka kahit talunin mo pa IQ ni Einstein. Dapat magaling din ang iyong mga kamay para pumasa ka sa mga practical subjects. Kaya nga ang ibang mga dental schools ay nagbibigay ng dexterity exams para masukat ang kontrol at galing ng iyong kamay na kailangan para sa pagsasanay maging dentista. Kung matindi ang pasma mo sa kamay, mukhang kailangan mong mag-isip ng ibang karerang papasukan.

Bukod pa sa hirap ng utak at kamay, hirap din ang bulsa ni nanay at tatay dahil sa mahal ng tuition at mga gamit na kailangan sa pag-aaral. Pero worth naman ang pagbili ng mga gamit na ito kung itutuloy mo ang pagdedentista dahil tiyak na magagamit mo pa rin ang mga ito kahit nasa private practice ka na.

Kung desidido ka na talagang mag-aral maging dentista, kailangan mo nang mag-”school hunting.”

Maraming nagtatanong kung ano ang pinaka-magaling na dental school sa Pilipinas. Hmm…mahirap atang sagutin ‘yan nang hindi nagiging biased sa kolehiyong pinanggalingan ko.

Bago tayo mapunta sa paksang iyan ay alamin muna natin ang iba’t ibang paaralan na may kursong Dentistry. Eto ay ang mga sumusunod:

METRO MANILA

Centro Escolar University – School of Dentistry

2nd Floor Dent-Sci Bldg.
Centro Escolar University
9 Mendiola Street,
San Miguel, Manila

Tel. No. 734-2073; 735-6861 to 71 loc. 214

Ang CEU ay kilala sa kursong Dentistry. Kung dito ka mag-aaral, maraming mga dental store at dental laboratory na malapit dito kaya kahit papaano e magiging convenient sa iyo na makahanap ng mga gagamitin mo sa pag-aaral.

Mga Requirements:

1. 5 1½” x 1½” ID pictures

2. Original Form 138 o HS report card

3. Good moral character mula sa HS principal

4. NSO copy of birth certificate (original and photocopy)

5. Certificate of Eligibility (kapag nakapasa na sa entrance exam)

*Kailangang mag-apply para sa entrance exam sa Counseling and Testing Department or CTD (3F Sofia De Veyra Hall). Doon ay bibigyan ka ng application form. Sagutin it at isubmit kasama ng iyong poging-pogi at cute na cute na ID pictures. Bibigyan ka ng schedule ng examination at room assignment. Bayaran ang fee para sa eksaminasyon at bumalik sa takdang araw ng entrance exam.

University of the East – College of Dentistry

2219 C.M. Recto Avenue, Manila 1008, Philippines
Phone: (02) 735 5471 loc. 327 and 328

Tulad ng CEU, sikat din ang UE sa kursong Dentistry. At tulad ng CEU ulit, madaming dental stores at dental laboratory sa paligid ng UE campus. Madami ding mga dorm at madali itong puntahan sakay ng mga pampublikong sasakyan tulad ng LRT 2.

Ang mga requirements sa pag-aapply sa UE ay nasa kanilang website.

May mga nagsasabi na mas-OK daw ang UE kesa sa CEU. Hmmm…no comment ako diyan.

Our Lady of Fatima University

120 McArthur Highway,
Valenzuela City, Philippines
Phone: (02) 293 2703-06; 2931636 loc. 130
Fax: (02) 291 6504

Kumpara sa dalawang naunang institusyon na nabanggit, matatawag na newbie ang Fatima sa larangan ng Dentisty. Pero ‘wag ismolin dahil sa mga unang taong ng dental program nila ay 100% passing sila sa Dental Board Exam. May ilang beses pa na sa kanila nanggaling ang topnotcher.

Medyo malayo nga lang sa sentro ng Maynila ang campus nila. Pero kung nakatira ka sa bandang norte tulad ng Valenzuela e swak sa iyo ang lokasyon nito.

Ang mga requirements para sa admissions nila ay makikita dito: Fatima University Admissions

Emilio Aguinaldo College

1113-1117 San Marcelino St., cor. Gonzales St.
1000 Ermita, Manila, Philippines

Tel. No. 521-2710 local 5371/5321

Naitatag EAC-School of Dentistry noon lamang 1992 kaya’t masasabing bagito rin ito sa larangan ng Dentistry.

Nitong mga nakaraang taon, nai-tsismis sa akin na madami-dami daw ang mga foreign students dito, pawang mga Koreano na gusto ditong mag-aral ng Dentistry.

Medyo may kaliitan ang kolehiyo na ito kaya’t kung nangangarap ka ng sprawling greens na mala-Harvard e sorry ka na lang. Karamihan din ng mga nagtuturo dito ay nagtapos sa UP at UE.

Ang requirements for admission ay makikita dito: EAC Admissions

University of the Philippines – Manila

Pedro Gil Cor.Taft Avenue, Ermita Manila

Tel. No. 302-6360; 302-3983

1915 pa lang ay nag-ooffer na ng kursong Dentistry ang UP. Eto lamang ang pampublikong paaralan sa Pilipinas na may kursong ito. At dahil pampubliko, mas mura ang tuition at subsidized ng gobyerno ang ilan sa mga gagamitin ng mga estudyante dito.

Sinasabing ang UP ang “best dental school” sa Pilipinas dahil pawang mga matatalino lamang daw ang nakakalusot sa entrance exam ng unibersidad na kung tawagin ay UPCAT. Hmmm, ayokong i-confirm at ayoko rin namang i-deny.

Ang admission requirements ng UP College of Dentistry ay makikita dito: UPCD Admissions

Ang iba pang dental schools sa Maynila ay ang mga sumusunod:

Manila Central University

Ground Floor, Purificacion G. Tanchoco (PGT) Building
Telephone Number: 364-1071 Local 156

Admission Requirements: http://www.mcu.edu.ph/main2.htm

University of Perpetual Help System Dalta

Alabang Zapote Rd., Pamplona 3, Las Piñas City

Tel. No. 871-0639 local 170 to 125

Admission Requirements: http://www.perpetualdalta.edu.ph/index.php/for-freshmen

National University

551 M. F. Jhocson Street Sampaloc, Manila

Tel. No. 741-6761

Admission Requirements: http://www.national-u.edu.ph/nu/admission.php?page=requirement